SCHNEIDEREI

Montags und Dienstag erreichen Sie
mich telefonisch in meiner Schneiderei.
T. 07553 / 91 75 50

Hallo Ihr Lieben!

Es weihnachtet sehr, au bei mir im Äbbes ...

Seit Wocha gibt´s Deko über Deko. Seit letzter Woch gibt´s wieder dia beliebte "Wundertüte", des isch a Gogel, do isch Ware im Wert von 20,- €uro drinn, koschtet aber nur 10,- €uro. - Super Sach :-)

Jeden Samstag bis Heiligabend ab 16.00 Uhr isch bei mir im Hof eider "Sternenmärktle". Ihr seid alle recht herzlich eingelada zum Punsch ond Glühwei.
S´Äbbes isch dann an offa. Freu mi, wenn Ihr alle kommet und Euch mit uns auf Weihnachta einstimmed.

Des Johr goht langsam zu Ende, es isch dieses Jahr so viel passiert, gönnet Euch a bissle Ruh und denket mal nach, was war in dem Jahr 2017, aber it blos nach draußen, i den ehr au mol so in d´r Familie oder was hosch Du gmacht, wia isch es Dir ganga, des Jahr?

Über dia Welt do draußa wird jeden Tag viel geschrieba und nachdenkt, ond mir vergesset über des ...
Fanget klein an

Frohe Weihnachta
ond a gesegnetes Jahr 2018



Des Äbbes war Anfang Oktober scho 9 Jahr alt ...

Jetzt meld i mi mol wieder, d´r Sommer hot sich verabschiedet d´r Herbst isch in vollem Gang, Trauba, Äpfel, Bira, Kürbis, Rübagoischter, warmer Tee, scheene Kerza, lange Spaziergäng in d´r Herbschsonn, buntes Laub, gedankenverloren in Sonne und Farba laufa, des is schee.
Sonne tanka für d´Winter. Langsam bereitet mir uns vor für d'a Winter.

Im Moment gibt´s im Äbbes alles was dia Seele braucht - warme Sacha, Kerza, Schmückle ond ganz viele andere Sacha.

Warme Jacka von d´r Firma Engel Natur warten auf Euch, reine Merinowolle ond wunderbar bequem ond warm. Do dazu gibt´s Schals, z.B. aus Fleece mit anare Tasch für a Taschentuch oder andere kleine Sächle.

Handgestrickte Kakppa und Loops. Handgemachte Hausschuh aus Biowolle könnet dia Kinder jetzt guad braucha, kann ma in alle Größa bestelle.

Schöna Schmuck von d´r Firma Hultquist aus Dänemark, des isch a Hingucker oder aber wunderschene Ketta oder Armbänder, handgefertigt, jedes Stückle a Unikat.

Warme Röckle, Stulpa, Stirnbänder oder Kappa aus meiner Werkstatt, des mach i Euch gern.

Wärmetierle aller Art und natürlich au Kissele gefüllt mit Hirse und Lavendel, für d´Nacka, Bauch und Buckel sind jetzt scho im Lada.

Bunte Glaslichter, Engel, Kerza, Kissel, ond, ond ond...

In d´r Adventszeit isch jeden Samstagnachmittag ab 16.00 Uhr bei mir im Hof an kleiner Markt - mei "Sternenmärktle", mit Glühwein und ebbes Süßem.

Mai Ma, d´r Martin verwöhnt Euch mit einem selber gemachtem Glühwein und Kindermoscht.

Neba her kann man im Äbbes genießa und sich freia, nette Leut treffa ond au a bissele Quatscha.

P.S.: Mei "Wundertüte" gibt´s uff jeden Fall wieder.

Freu mi wenn Ihr kommet

Eure Wally

Äbbes zum Schenken

Spielzeuge aller Art,
fetzige Einkaufstaschen,
kreative Blumengestecke,
feine Tücher als Mode-Accessoire,
... und vieles, vieles mehr

Äbbes zum Wohnen

handgenähte und handbestickte Kissen,
Kerzen, Teelichter, Tassen,
... und vieles, vieles mehr

Äbbes zum Genießen

Kerzen und Teelichter,
dekorative Kerzenständer,
feine Tees mit passendenTassen,
.. und vieles, vieles mehr

Zum Seitenanfang